• Uşaqlar bİzİm gələcəyİmİzdİr. Heç bİr uşaq kənarda qalmamalidir.

    Uşaqlar bİzİm gələcəyİmİzdİr. Heç bİr uşaq kənarda qalmamalidir.

  • Uşaq hüquqlari üzrə azərbaycan qht alyansi İnkluzİv təhsİlİ dəstəkləyİr.

    Uşaq hüquqlari üzrə azərbaycan qht alyansi İnkluzİv təhsİlİ dəstəkləyİr.


Uşaqlar bİzİm gələcəyİmİzdİr. Heç bİr uşaq kənarda qalmamalidir.

Bizə qoşulun
BİZİMLƏ ƏLAQƏ SAXLAYIN

BİZİMLƏ ƏLAQƏ SAXLAYIN

Əgər bizim fəaliyyətimiz haqqında hər hansı sualınız olarsa və ya daha ətraflı məlumat əldə etmək istəyirsinizsə, bizimlə əlaqə saxlayın.
Read More
PROQRAMLAR

PROQRAMLAR

Nullam posuere felis a lacus tempor eget dignissim arcu adipiscing. Donec est est, rutrum vitae bibendum vel, suscipit non metus.
Read More
ŞƏKİLLƏR

ŞƏKİLLƏR

Nullam posuere felis a lacus tempor eget dignissim arcu adipiscing. Donec est est, rutrum vitae bibendum vel, suscipit non metus.
Read More
SƏNƏDLƏR

SƏNƏDLƏR

Nullam posuere felis a lacus tempor eget dignissim arcu adipiscing. Donec est est, rutrum vitae bibendum vel, suscipit non metus.
Read More

“Heç Bir Uşağı Nəzərdən Qaçırmayaq” Milli İctimai Mükafat, 2016

Bu il də uşaq hüquqlarının təbliği və müdafiəsi işinə xüsusi töhvə vermiş qurumlar və şəxslərin mükafatlandırılması İnsan Hüquqları üzrə Müvəkkilin təsisatı, Uşaq Hüquqları üzrə Azərbaycan QHT Alyansı və “Ümidli Gələcək” Gənclər İctimai Birliyi “Azercell Telecom” şirkətinin əsas tərəfdaşlığı ilə “Uşaq Qaynar Xətti Mobil Əlavəsi”nin təqdimatını və “Heç bir uşağı nəzərdən qaçırmayaq” Milli İctimai Mükafatın 5–ci təqdim etmə mərasimini 28 noyabr 2016-cı il tarixində Beynəlxalq Muğam Mərkəzində keçirtmişdir.
Mükafatın təqdimetmə mərasimi çərçivəsində Azərbaycanda uşaqlar üçün faydalı İT vasitələrinin yaradılmasının təşviqi də aparılmışdır. Beləki, yeni informasiya texnologiyalarının uşaqların sağlamlığı, müdafiəsi, təhlükəsizliyi və təhsilinə dəstək verməsini təmin etmək məqsədilə internet saytlar və smartfonlar üçün əlavələrin yaradılması və yayılması xüsusi önəm daşıyır. Bu fəaliyyətin daha da geniş vüsət alması üçün “Ümidli Gələcək” Gənclər İctimai Birliyi və Uşaq Hüquqları üzrə QHT Alyansı tərəfindən dövlət qurumları ilə əməkdaşlıqda və Azercell Telekom şirkətinin dəstəyi ilə ilk dəfə yaradılmış Uşaq Qaynar Xəttinin Android əlavəsinin təqdimatı baş tutmuşdur.
“Heç bir uşağı nəzərdən qaçırmayaq” Milli İctimai Mükafat 8 nominasiya üzrə təqdim edilmişdir. Mükafatın qalibləri gizli səsvermə yolu ilə milli QHT-lər və uşaq hüquqları sahəsində ekspertlər tərəfindən seçilmişdir.
Qeyd edək ki, Azərbaycanda uşaq problemlərinə bütövlükdə cəmiyyətin, aidiyyatı dövlət qurumları, qeyri-hökumət təşkilatlarının və biznesin diqqətini cəlb etmək, bu problemlərin həllində dövlət-QHT-biznes əməkdaşlığının qurulması və inkişaf etdirilməsini stimullaşdırmaq və uşaq problemlərinin həllinə xüsusi töhvə vermiş təşkilat və şəxslərin fəaliyyətini qiymətləndirmək məqsədilə 2003-cü ildən özündə 45-dən çox təşkilatı birləşdirən Uşaq Hüquqları üzrə Azərbaycan QHT Alyansı İnsan Hüquqları üzrə Müvəkkil, UNİCEF və Avropa Birliyinin dəstəyilə “Heç Bir Uşağı Nəzərdən Qaçırmayaq” Milli İctimai Mükafatı təsis etmişdir.

 

“Heç zaman uşağı cinayətkar adlandırmırıq, cinayətkar valideyndir”

http://www.cebhe.info/oxu/35423/

Hüquq müdafiəçisi mərhum Nazir Quliyev yad edilmişdir

Press Reliz

Uşaq Hüquqları Üzrə Azərbaycan QHT Alyansının və “Hüquq Dünyası” Hüquqi Təbliğat İctimai Birliyinin sədri, hüquq müdafiəçisi mərhum Nazir Quliyevin xatirəsi yad edilmişdir.

Tədbirdə “Hüquq Dünyası” Hüquqi Təbliğat İctimai Birliyinin yeni rəhbərliyi ictimaiyyətə təqdim edilmiş, Azərbaycan Respublikasının İnsan Hüquqları üzrə Müvəkkilinin təşəbbüsü ilə hər il ənənəvi olaraq oktyabrın 20-dən noyabrın 20-dək Respublikamızda qeyd edilən “Uşaq hüquqları aylığı“na Uşaq Hüquqları Üzrə Azərbaycan QHT Alyansının və Nazir Quliyevin ənənəvi olaraq qoşulduğu müxtəlif tədbirlərin Hüquq Dünyası” Hüquqi Təbliğat İctimai Birliyi tərəfindən də davam etdirilərək, uşaq hüquqlarının müdafiəsinə tövhə verilməsi ətrafında müzakirələr aparılmışdır.
Tədbirdə Ombudsman Aparatının, Əmək və Əhalinin Sosial Müdafiəsi Nazirliyinin, Daxili İşlər Nazirliyinin, Təhsil Nazirliyinin, Ailə, Qadın və uşaq komitəsinin, Milli QHT Forumunun, Ədliyyə Akademiyasının, UNICEF-in Azərbaycan nümayəndəliyinin, icra hakimiyyətlərinin, polis idarələrinin əməkdaşları və QHT rəhbərləri, ictimaiyyət nümayəndələri, mərhumun dostları və ailə üzvləri də iştirak etmişdir.
Çıxışlarda Nazir Quliyevin tanınmış QHT rəhbəri və mütəxəssis kimi uşaq hüquqlarının müdafiəsi, xüsusilə baxımsız və çətin tərbiyə olunan uşaqlarla iş sahəsində xidmətləri xüsusilə qeyd edilmiş, xüsusi həssaslıqlahüquqi maarifləndirmə, QHT sektorunun inkişafı istiqamətində məqsədyönlü addımları, Yuvenal Ədliyyə sahəsində müxtəlif araşdırmaları, dövlət orqanları ilə əməkdaşlıq çərçivəsində faydalı təklif və tövsiyələri ilə yanaşı etibarlı dost, savadlı, məsuliyyətli və hərtərəfli şəxsiyyət kimi daim yaddaşlarda qalacağı urək yanğısı ilə ifadə edilmişdir

Tədbirin sonunda hər il uşaq hüquqlarının qorunmasında xidmətlərinə görə hüquq müdafiəçisi Nazir Quliyev adına uşaq hüquqlarının qorunmasında ən fəal QHT təmsilçisi mükafatının təsis edilməsi qərara alınmışdır.

“Hüquq Dünyası” Hüquqi Təbliğat İctimai Birliyinin
informasiya və ictimaiyyətlə əlaqələr departamenti

Liderlik Məktəbinin on altıncı açılış mərasimi olub

Azərbaycan Respublikasının İnsan Hüquqları üzrə Müvəkkili Elmira Süleymanovanın təşəbbüsü ilə yaradılmış və Ombudsmanın Uşaq hüquqları üzrə resurs mərkəzi olan Azərbaycan Uşaq və Gənclərin Sülh Şəbəkəsinin (AUGSŞ) Liderlik Məktəbində on altıncı tədris ilinin açılış mərasimi keçirilib.

GSR.fm xəbər verir ki, tədbirə Ailə, Qadın və Uşaq Problemləri üzrə Dövlət Komitəsinin, Bakı şəhəri üzrə Təhsil İdarəsinin, Səbail Rayon İcra Hakimiyyətinin məsul nümayəndələri, adı çəkilən məktəbə cəlb olunmuş yeni üzvlər, habelə əvvəlki buraxılışların məzunları, ümumən 100-dən artıq uşaq, həmçinin valideyn və müəllimlər qatılıb.

Ombudsman Aparatının şöbə müdiri Faiq Ağayev Müvəkkil Elmira Süleymanovanın adından iştirakçıları bu günlərdə qeyd olunan 18 oktyabr – Azərbayan Dövlət Müstəqilliyinin bərpasının 25 illiyi münasibətilə təbrik edib, xoş arzularını çatdırıb. O, bu günün Azərbaycanın tarix salnaməsinə xalqımızın öz dövlət müstəqilliyini, milli azadlığını əldə etdiyi əlamətdar hadisə kimi daxil olduğunu diqqətə çatdırıb, ölkəmizin dövlətçiliyinin dərin köklərə malik olduğunu, ikinci dəfə öz müstəqilliyinə qovuşduğunu vurğulayıb, aparılan davamlı inkişaf siyasəti sayəsində respublikanın daha da qüdrətlənməsi, insan hüquqlarının, o cümlədən uşaq hüquqlarının bərqərar olması, təhsil, səhiyyə və sosial sahədə, Azərbaycanın zəngin mədəniyyətinin inkişafında, milli-mənəvi dəyərlərin qorunmasında böyük uğurlar əldə edildiyini söyləyib.

F.Ağayev müstəqillik yollarında ilk addımlarını atarkən Azərbaycanın keçirdiyi dərin siyasi, iqtisadi və sosial böhranla yanaşı, Ermənistanın hərbi təcavüzü, azərbaycanlılara qarşı yürütdüyü etnik təmizləmə siyasəti və Dağlıq Qarabağ problemi ilə üz-üzə qalması, mərhum prezident Heydər Əliyevin 1993-cü ildə hakimiyyətə qayıdışı və apardığı müdrik siyasət nəticəsində ölkənin inkişaf etdiyini bildirib. O, bu siyasəti uğurla davam etdirən ölkə başçısı İlham Əliyevin siyasəti nəticəsində ölkədə uşaq hüquqlarının təmin olunması istiqamətində mühüm işlər görüldüyü, eyni zamanda Heydər Əliyev Fondunun bu sahəyə xüsusi diqqət yetirdiyi vurğulayıb.

Bununla yanaşı, bu ilin “Multikulturalizm ili” elan olunduğu, bir çox beynəlxalq və respublika miqyaslı tədbirlərin keçirildiyi və bu təşəbbüslərin beynəlxalq miqyasda rəğbətlə qarşılandığı qeyd olunub. Dövlət başçısının 11 oktyabr 2016-cı il tarixli Sərəncamı ilə dövlət müstəqilliyinin bərpasının 25-ci ildönümünün ölkədə dövlət səviyyəsində təntənəli surətdə qeyd olunmasının qərara alındığının və bununla bağlı Tədbirlər Planının təsdiq edildiyinin əhəmiyyəti diqqətə çatdırılıb.

Uşaq hüquqlarının müdafiəsi ilə bağlı Ombudsmanın çoxşaxəli fəaliyyəti, uşaq hüquqları üzrə pilləli tədris layihəsi barədə məlumat verilib, uşaqlar üçün Ümumdünya hərəkatının respublikamızda geniş vüsət aldığı, on altı ilə yaxın müddətdə müntəzəm fəaliyyət göstərən Liderlik Məktəbinin bunun bariz nümunəsi olduğu bildirilib.

Qeyd olunub ki, bu məktəb uşaqların öz iştirakı ilə onların həyatında dönüş yaratmaq, onların hərtərəfli inkişafına, dünyagörüşünün zənginləşməsinə, Uşaq Hüquqları Konvensiyasının müddəalarına uyğun olaraq öz hüquqlarını öyrənməsinə və trenerlər kimi bu hüquqları öz yaşıdlarına öyrətməsinə, onlara vətənpərvərlik hissinin aşılanmasına, uşaqların liderlər kimi yetişməsinə xidmət edir.

Bakının müxtəlif rayonlarındakı ümumtəhsil məktəbləri şagirdlərinin təmsil olunduğu Liderlik Məktəbini bu günədək mindən çox məzunun bitirdiyi, burada “Azərbaycan – yurdum mənim!” devizi ilə uşaqlara ölkəmizin zəngin tarixi, coğrafiyası, təbii sərvətləri, iqtisadiyyatı, mədəniyyəti, ədəbiyyatı, turizmi və başqa sahələr üzrə bilgilər verildiyi, vətənpərvərlik tərbiyəsinin, yurdsevərlik hissinin aşılandığı, habelə, insan hüquqları, o cümlədən uşaq hüquqlarının öyrədildiyi qeyd olunub. Bu məktəbdə Azərbaycanın tanınmış ziyalıları ilə görüşlərin, interaktiv məşğələlərin uşaqların daha çox biliklər əldə etməsinə, vətənpərvərlik ruhunda yetişməsinə kömək etdiyi bildirilib.

Həmçinin Müvəkkilin təşəbbüsü ilə hər il olduğu kimi, oktyabrın 20-dən noyabrın 20-dək respublikada “Uşaq hüquqları aylığı”nın elan olunduğu, bununla bağlı müvafiq təşkilatlara müraciət edildiyi, dövlət qurumlarının, şəhər və rayon icra hakimiyyətlərinin, QHT-lərin, icmaların və uşaqların fəal iştirakı ilə çoxsaylı tədbirlərin keçirilməsinin nəzərdə tutulduğu vurğulanıb.

Qonaqlar təmsil etdikləri qurumların uşaq hüquqları ilə bağlı prioritetlərini, respublikada uşaq və gənclər siyasətinin uğurla davam etdirildiyini qeyd edib, bu gün böyük uğurlara imza atmış Liderlik Məktəbində birləşən uşaqların bilik və intellektual səviyyəsindən, fəal vətəndaşlar kimi tərbiyələnməsindən məmnun olduqlarını vurğulayıb.

Görüşün sonunda Ombudsman Aparatının şöbə müdiri ötən ilin məzunlarına sertifikatlar təqdim edib, yeni üzv olan uşaqlara uğurlar arzulamış, biliklərə mükəmməl yiyələnməyi, ahəngdar inkişaf etməyi, vətənə, xalqımıza sadiq övladlar kimi yetişməyi tövsiyə edib.

“Azərbaycan Uşaq Qaynar Xətt” Xidmətinin Maarifləndirmə Kampaniyası

İnsan Hüquqları üzrə Müvəkkilin (Ombudsman) təşəbbüsü ilə hər il ənənəvi olaraq, 20 oktyabr – 20 noyabr Uşaq Hüquqları Konvensiyasının Günü ilə əlaqədar Azərbaycanda “Uşaq Hüquqları” aylığı elan edilir. Bununla əlaqədar olaraq, “Azercell Telecom” MMC-nin maliyyə dəstəyi ilə fəaliyyət göstərən Ümidli Gələcək Gənclər İctimai Birliyinin xidmət mərkəzi olan “Azərbaycan Uşaq Qaynar Xətt” xidmətinin mütəmadi həyata keçirdiyi “Maarifləndirmə kampaniyası” çərçivəsində növbəti tədbiri 02 Noyabr 2016-cı il tarixində Bakı şəhəri Sabunçu rayonu, 252 nömrəli məktəbin 8-9-cu sinif şagirdləri, məktəb nümayəndələrinin və valideynlərin iştirakı ilə keçirilmişdir. Tədbir Səhiyyə Nazirliyinin İctimai Səhiyyə və İslahatlar Mərkəzi ilə əməkdaşlıqda təşkil edildi və tədbirin məqsədi uşaqların öz hüquqlarını bilmələri, Uşaq Qaynar Xətt xidmətinin fəaliyyəti və eləcə də “Zərərli vərdişlər”, “Erkən Nigahın qarşısının alınması” mövzularına dair təqdimat və uşaqlarla birgə mövzular ətrafında müzakirələrin aparılması olmuşdur. Tədbirin sonunda “Azərbaycan Uşaq Qaynar Xətt ” xidmətinə məxsus məlumat xarakterli buklet, stikerlər iştirakçılara paylanılmış və şagirdləri maraqlandıran suallara cavab verilmişdir. Tədbirin keçirilməsinə icazə ve dəstək verdiyi üçün Azərbaycan Respublikasının Təhsil Nazirliyinə təşəkkürümüzü bildiririk.

Uşaq Hüquqları üzrə QHT Alyansının üzvlərinin növbəti görüşü

Uşaq Hüquqları üzrə QHT Alyansının üzvlərinin növbəti görüşü 04 Noyabr 2016-cı il tarixində keçirilmişdir. Görüş zamanı ilk olaraq, QHT Alyansın İdarə Heyətinin sədri Nazir Quliyevin adı anılmışdır. Daha sonra isə QHT Alyansının illik hesabatı, Uşaq Hüquqları Aylığı ilə bağlı Kampaniya: uşaqların iştirakı ilə tədbir və konsert proqramı, sərgi, “Heç Bir Uşağı Nəzərdən Qaçırmayaq” Milli Ictimai Mükafat 2016: nominasiyaların müəyyən edilməsi, namizədlərin müzakirəsi, İctimai Vəkillik üçün əsas prioritetli mövzularin müəyyən edilməsi və həmçinin, 2017-ci ildə BMT-nin Uşaq Hüquqları Komitəsinə Alternativ Hesabatın başlanılması və s. mövzulara dair müzakirələr aparılmışdır.

“Ümidli Gələcək” Gənclər İctimai Birliyində görüş

Uzun illər Ümidli Gələcək Gənclər İctimai Birliyinin xidmət mərkəzi olan “Azərbaycan Uşaq Qaynar Xətt” xidmətinin təsis edilməsi və fəaliyyətində bu günə qədər böyük töhvə vermiş “Azercell Telecom” MMC-nin nümayəndəsi 09 Sentyabr 2016-cı il tarixində ÜGGİB-nin xidmət mərkəzlərinə səfər etmişdir. Səfər zamanı “Ümidli Gələcək” Gənclər İctimai Birliyinin bütün xidmət mərkəzləri haqqında məlumat verilmiş, iş prosesi nümayiş etdirilmiş və maraqlandırılan suallar cavablandırılmışdır və gələcək fəaliyyətə dair müzakirələr aparılmışdır.

Qubada “Ümidli Gələcək” Gənclər Təşkilatı Yuvenal Ədliyyə proqramının Azərbaycanda təkmilləşdirilməsi mövzusuna aid konfrans keçirib.

http://qhtxeber.az/news/a-58050.html

Azərbaycanda cinayət törədən uşaqların sayı azalıb

http://az.trend.az/azerbaijan/society/2551549.html

Rayon, kənd və qəsəbələrdə “Erkən nikahların qarşısının alınması sahəsində” maarifləndirmə

MƏTBUAT ÜÇÜN AÇIQLAMA

Erkən nikah problemi ölkəmizdə mövcud olan aktual problemlərdən biridir. Respublikamızda yuxarı siniflərdə təhsil alan qız uşaqlarının təhsildən yayınması, erkən yaşda ailə qurmağa məcbur edilməsi hallarına hələ də rast gəlinir. Belə nikahlar isə sonradan müxtəlif ciddi fəsadlar yaradır. Erkən hamiləlik təkcə sonradan doğulan körpənin deyil, ananın da həyatını təhlükə qarşısında qoyur. Bu cür nikahların yaratdığı daha bir problem də gənclərin təhsildən yayınması və cəmiyyət üçün sağlam olmayan nəslin yetişməsi, əlilliyi olan uşaqların doğulmasıdır. Sağlamlıq və inkişaflarına olan riskdən başqa, qızların 18 yaşdan tez nikaha daxil olmaları onları həm də fiziki, cinsi və psixoloji zorakılıq qurbanına çevirə bilər. Həm beynəlxalq sazişlər və konvensiyalar, həm də milli qanunvericiliyə əsasən erkən nikahların yolverilməz olduğu aydın görünür. Azərbaycan Respublikasının Ailə Məcəlləsində “erkən nikah” termininin dəqiq təyinatın olmadığını, lakin həmin sənədin 10.1-ci maddəsinin müddəları bu fenomeni mövcud qanunvericilikdə nəzərdə tutulmuş nikah yaşı tamam olmadan bağlanmış nikah kimi dəyərləndirildiyini görmüş oluruq. Bundan əlavə, dövlətimiz tərəfindən ratifikasiya olunmuş “Qadınlara qarşı ayrı-seçkiliyin bütün formalarının ləğv edilməsi haqqında” BMT-nin Konvensiyasının 16.2-ci maddəsində “Uşağın nişanlanması və nikahı hüquqi qüvvəyə malik deyil…” müddəası əks olunmuşdur.
Son illərdə ölkədə erkən nikahların qarşısının alınması və uşaq hüquqlarının müdafiəsi istiqamətində əhəmiyyətli tədbirlər görülüb. Bunlardan misal kimi, qanunvericilik bazasının təkmilləşdirilməsi, o cümlədən, nikaha daxil olmaq üçün minimum yaş həddinin həm qızlar, həm də oğlanlar üçün bərabər olaraq 18-ə qaldırılması, qadının nikaha daxil olmağa məcburetmə zamanı cəzaların daha da sərtləşdirilməsini, Azərbaycan Respublikası Gənclər və İdman Nazirliyi, Ailə, Qadın və Uşaq Problemləri üzrə Dövlət Komitəsi, Daxili İşlər Nazirliyinin İnsan alverinə qarşı Mübarizə İdarəsi və həmçinin, Azərbaycan Respublikası Prezidentinin yanında Gənclər Fondu və Azərbaycan Respublikası Prezidentinin yanında QHT-lərə Dövlət Dəstəyi Şurasının dəstəyi ilə bir çox yerli QHT-lər tərəfindən icmalar səviyyəsində maarifləndirmə tədbirlərinin aparılmasını qeyd etmək olar. Çoxsaylı tədqiqatlar göstərir ki, erkən nikahların yayılmasına gətirib çıxaran əsas amillərdən biri ailələrin və yerli icma nümayəndələrinin erkən nikahın qısa və uzunmüddətli neqativ fəsadları barədə məlumatlı olmamasıdır.
Qeyd olunan problemləri nəzərə alaraq, Ümidli Gələcək Gənclər təşkilatı Azərbaycan Respublikasının Prezidentinin yanında Gənclər Fondunun maliyyə dəstəyi ilə 2016-cı ilin avqust-dekabr ayları ərzində Mingəçevir, Yevlax, Quba, Xaçmaz, Qusar, Lənkəran və Masallı rayonlarında “Erkən nikahların qarşısının alınması sahəsində maarifləndirmə” layihəsini həyata keçirməyi planlaşdırır. Layihənin əsas məqsədi ucqar kənd və qəsəbələrdə yaşayan uşaqların (əsasən də, qız uşaqlarının) insan alverinin və erkən nikahın qurbanı olmamaları üçün maarifləndirici seminar və təlimlərin təşkili, psixoloji dəstək mexanizmlərinin işlənməsi, uşaq qaynar xətt xidmətinin təşviqi ilə uşaqların psixoloji və emosional dəstək mexanizmlərinin əlçatanlığının təmin edilməsi, erkən nikahların bəzən səbəb olduğu uşaq intiharlarının profilaktikasının aparılması və sağlam ailə və sağlam nəslin yetişməsinə dəstək verməkdir. Həyata keçirilən layihədə 700-dən çox uşaq və icma üzvlərinin maariflənməsi nəzərdə tutulubdur.